استشارات تجربة العلامة التجارية
استشارات تجربة العلامة التجارية للشركات اللي عايزه هويتها تعبر عن حجمها الحقيقي
لما عميل في السوق يسأل عن شركة في مجالك، اسم مين بيتقال؟ لو مش اسمك، فإنت بتتحمّل تكلفة الغياب ده كل شهر من غير ما تظهر في أي تقرير.
التكلفة دي رقم، مش انطباع. وإحنا بنحسبها قبل أي قرار تصميم.
المنافسة بتتحسم في دماغ العميل
شغلك ممكن يكون أفضل من منافسك، ومع ذلك هو اللي بيكسب العميل. الفرق مش في المنتج. الفرق إن العميل كان سامع عنه قبل ما يقابلكم الاتنين.
عشان كده أول سؤال في أي استشارات تسويقية بنقدمها مش عن الألوان: السوق فاكرك بإيه؟ ولو مفيش إجابة واضحة، السؤال التاني بيبقى: ده بيكلفك كام عميل في السنة؟
وكل قرار بعد كده بيرجع لرقم. مش تفضيل شخصي، ولا اتجاه سايد في السوق، ولا حاجة نجحت مع شركة تانية.
ست حاجات بنشتغل عليها في استشارات تجربة العلامة التجارية
البحث والاستكشاف
بنعرف السوق بيعتقد إيه عنك دلوقتي وليه، قبل ما حد يقترح أي اتجاه. مقابلات، وقراءة للمنافسين، واللي بياناتك نفسها بتقوله.
استراتيجية العلامة التجارية
قرارات لازم تحسمها قبل أي تنفيذ: إنت بتخاطب مين، وإيه اللي مش هتقدمه، وبتنافس في أي فئة بالتحديد.
التموضع
المكان الواحد اللي تقدر تملكه في دماغ عميلك وتدافع عنه. مش شعار، مكان منافسك ميقدرش ياخده منك.
التسمية والهوية اللفظية
إنت اسمك إيه وبتتكلم إزاي، من السطر اللي تحت اللوجو لحد طريقة رد فريقك على رسالة. متسقة بحيث الناس تعرفك قبل ما تشوفك.
الهوية البصرية
كل حاجة العميل بيشوفها منك، متبنية كنظام واحد، عشان الشركة تظهر بنفس الحجم في أي مكان تطلع فيه.
معمار العلامة التجارية
خدماتك وعلاماتك الفرعية وخطوط منتجاتك مرتبطين ببعض إزاي، عشان العميل اللي جه لحاجة واحدة يفهم إنت بتعمل إيه كمان.
ليه تختار براند برو كريشنز في استشارات تجربة العلامة التجارية
فريق واحد، مش أقسام منفصلة
السيرش والإعلانات والمحتوى والبراند شغالين على نفس الملف. فالتموضع اللي بنكتبه هو نفسه اللي بيوصل للعميل في كل قناة.
كل قرار وراه رقم
لما نرشّح لك خطوة، هنوضّح لك هي مبنية على إيه. ولو الرقم مش متاح، هنقولك إنه مش متاح، وهنشتغل على توفيره.
الشفافية المطلقة
نلتزم بالوضوح التام في كافة التعاملات، ونسارك تفاصيل العمل والأسعار والخطوات بشفافية دون أي تكاليف خفية أو شروط غير معلنة.
منهجية براند برو كريشنز في تجربة العلامة التجارية
المراحل اللي بنشتغل بيها
استشارات تجربة العلامة التجارية: الحسبة اللي بنعملها قبل ما نقولك رقم
دي الحسبة اللي هنمشي فيها سوا في المكالمة.
خد متوسط قيمة العميل عندك ونسبة التحويل. وبعدين احسب: كام عميل السنة اللي فاتت راح لمنافس كان سامع عنه قبلك وبس؟ الناتج ده هو التكلفة السنوية لغياب اسمك عن السوق، وغالباً بيطلع أكبر من تكلفة معالجته.
وعشان كده مفيش سعر الهوية البصرية ولا أي رقم تاني منشور في الصفحة دي. أي رقم بيتقال قبل مراجعة أرقامك هو تقدير، والتقدير متاح عند أي حد.
بنطلع الرقم من أرقامك إنت الأول. ولو طلع مش في صالحك، هنقولك، وتكون خدت عشرين دقيقة وخرجت بإجابة.